Cosa dirà la gente?

Il matrimonio di Aldo e Sara

- No, mama, la siora Debegnac no' la iera. No, mama, no' la stava mal! No' i la ga invitada proprio!
- Assai bei i sposi, belisimi i vestiti, ma una volta se se sposava in frak e col brum!
- Ma i invitati, de che circo i xe andadi a tirarli fora? Quel zurlo alto cola panza e la cavelada longa po'!
Tagliare i capelli e andare a lavorare, mi digo, cio'!
- Ma cossa per bon el sposo girava in zavate, maieta e mudande longhe? Ste robe soto la Defonta no' le saria mai successe! L'Austria iera un paese ordinato e no' i gavessi mai permesso!
- Belissimo e 'ssai utile el Spiritello. I me ga dito che se lo pol 'doprar anca per netar la caseta del gato.
- Ma el Spiritello xe più che el Bimbi?
- Mi no go capì, ma lù ga ciapà el cognome de ela o ala riversa? No' iera ela quela meza todesca? Con 'ste robe moderne mi no' ghe vegno più fora!
- Una volta, per andar in osmiza a Sagrado, me par, serviva la propusniza. Adesso xe tuta Europa, i disi.
- No, no xe più la stazion dei treni a Sagrado. Oramai in ne gà cavado via tuto.
- Scometo che dopo i se ga sposado denovo anca a Lignan. Ma là sarà stà sicuro più bel: sa come che xe i furlani,  co' i fa una roba i la fa ben!
- Adesso xe assai moderno servir el vin con dentro 'ste foje de radicio. Come: per cossa? Per beverlo po' mama! Che fà 'ssai fin. Si, mama, te se pol anca onzer la schena, ma no' ai matrimoni però! 
- Che cocolo el cicariol de vetro; ma quei gnampoli i se gà dismentegado i busi per pozar i spagnoletti!
- No, mama, gnanche el fio dela siora Debegnac no' i ga invitado!!
- Mi credo che i scrivi ‘sta roba solo per insempiar la gente…